அல்லிராஜா சுபாஸ்கரன் லைகா குழுமத்தின் நிறுவனர் ஆவார் , இது ஊடகம் மற்றும் பொழுதுபோக்கு உட்பட பல்வேறு தொழில்களில் இயங்கும் துணை நிறுவனங்களைக் கொண்டுள்ளது. லைகா புரொடக்ஷன்ஸின் தலைவராக அல்லிராஜா சுபாஷ்கரன் அவர்கள் சுமார் £50 மில்லியனுக்கும் மேற்பட்ட பட்ஜெட்டில் பல பிளாக்பஸ்டர் திரைப்படங்களை உருவாக்குவதை மேற்பார்வையிட்டார்டுள்ளார். அத்துடன் உலகம் முழுவதும் விநியோகிக்குமுகமாக தமிழ், இந்தி, மலையாளம், கன்னடம் மற்றும் தெலுங்கு மொழிகளில் பல்வேறு காவியக் கதைகளையும் தயாரித்துள்ளார்.
இந்தக் கட்டுரையானது, 2023 மற்றும் அதற்குப் பிறகு குறிப்பிடத்தக்க வளர்ச்சியை காணக்கூடிய சந்தை என்று கணிக்கப்பட்டுள்ள இந்திய ஊடகம் மற்றும் பொழுதுபோக்குத் துறையை உன்னிப்பாகக் கவனித்து எழுதப்பட்டதாகும்.
PwC இன் அறிக்கையின்படி, இந்திய ஊடகம் மற்றும் பொழுதுபோக்குத் துறையானது 2027 ஆம் ஆண்டளவில் 9% வளர்ச்சி அடையும். மேலும் இதன் மதிப்பு $73 பில்லியன்களை எட்டும். வளர்ச்சி சதவீதத்தைப் பொறுத்தவரை, நாட்டின் ஸ்ட்ரீமிங் சந்தை முன்னணியில் உள்ளது. 2022 இல் இதன் வருவாய் 25% ஆல் அதிகரித்துள்ளது.
PwC இன் குளோபல் என்டர்டெயின்மென்ட் & மீடியா அவுட்லுக் 2023-2027 அறிக்கையின்படி, இந்தியாவின் ஸ்ட்ரீமிங் சந்தையானது 14% கூட்டு வருடாந்திர வளர்ச்சி விகிதத்தில் (CAGR) தொடர்ந்து வளரும் என்றும், 2027 ஆம் ஆண்டில் சுமார் $3.5 பில்லியன் வருவாயை உருவாக்கும் என்றும் தெரிவிக்கிறது.
மே 2023 இல் மும்பையில் நடந்த ஃப்ரேம்ஸ் மாநாட்டில் EY வெளியிட்ட அறிக்கையின்படி, இந்திய ஊடகம் மற்றும் பொழுதுபோக்குத் துறையானது 20% வளர்ச்சியடைந்து, 2022 இல் $26 பில்லியனை எட்டியது. இது 2019 இல் அதன் கொரோனாவுக்கு முந்தைய மதிப்பீட்டில் 10% அதிகரிப்பைக் குறிக்கிறது. இது திரைப்படம், தொலைக்காட்சி, அனிமேஷன் மற்றும் VFX, டிஜிட்டல் மீடியா, நேரலை நிகழ்வுகள், ஹோம் மீடியா, ரேடியோ, அச்சு, ஆன்லைன் கேமிங் மற்றும் இசை ஆகியவற்றிலிருந்து தரவுகளைக் கொண்டு தொகுக்கப்பட்ட அறிக்கை ஆகும். ஒட்டுமொத்தமாக, இந்தியாவின் ஊடகம் மற்றும் பொழுதுபோக்குத் துறையானது 12% வளர்ச்சியடைந்து, 2023 ஆம் ஆண்டில் $28.6 பில்லியன் மதிப்பை எட்டும் என்று கணிக்கப் பட்டுள்ளது.
2022 ஆம் ஆண்டில் இந்தியாவின் ஊடகம் மற்றும் பொழுதுபோக்குத் துறையில் தொலைகாட்சியானது, தோராயமாக $8.6 பில்லியன் மதிப்பீட்டில் மிகப்பெரிய அங்கமாக இருந்த போதிலும், அதன் மதிப்பு உண்மையில் 2021 அளவுகளுடன் ஒப்பிடுகையில் சுருங்கிவிட்டது. விளம்பர வருவாய் 2% அதிகரித்து, 2019 புள்ளிவிவரங்களைவிட சற்று பின் நிலைகளை எட்டியது . ஆயினும்கூட, EY இன் அறிக்கை, 2023 ஆம் ஆண்டு முழுவதும் இந்தியாவின் தொலைக்காட்சிச் சந்தை சிறிது வளர்ச்சியடைந்து $8.8 பில்லியன் மதிப்பை அடையும் என்று பரிந்துரைத்தது.
EY இன் அறிக்கையின்படி 2022 ஆம் ஆண்டில் 6.9 பில்லியன் டாலர் மதிப்புடைய இந்தியாவின் ஊடகம் மற்றும் பொழுதுபோக்குத் துறையில் டிஜிட்டல் மீடியா இரண்டாவது பெரிய அங்கமாக இருந்தது. மேலும் 2023 ஆம் ஆண்டில் அது 8.2 பில்லியன் டாலராக உயரும் என்று கணிக்கப்பட்டுள்ளது. இணைய ஊடுருவலானது 4% அதிகரித்து, 866 இல் முதலிடம் வகிக்கிறது என்று அறிக்கை குறிப்பிட்டது. டிசம்பர் 2022 இல் மில்லியன் சந்தாக்கள் (subscriptions), சீனாவிற்கு அடுத்தபடியாக இந்தியாவை உலகின் இரண்டாவது பெரிய பிராட்பேண்ட் சந்தாதாரர் தளமாக மாற்றியது.
