MVNO எப்படி வேலை செய்கிறது?

MVNO என்பது மொபைல் மெய்நிகர் வலையமைப்பு செயல்படுத்துனர் ஆகும்.இந்த சொல் அதன் நெட்வொர்க்கை இயக்காத அல்லது சொந்தமாக வைத்திருக்காத மொபைல் வழங்குநரைக் குறிக்கிறது – அவை மெய்நிகர் நெட்வொர்க்குகள் என்றும் அழைக்கப்படுகின்றன. ஒரு MVNO ஒரு மொபைல் ஆபரேட்டரால் இயக்கப்படும் நெட்வொர்க்கைப் பயன்படுத்துகிறது, அதாவது அதிக செலவுகள் இல்லாமல் அதன் தாய் நிறுவனத்தின் அதே கவரேஜிலிருந்து பயனடையலாம். இதன் விளைவாக, ஒரு MVNO வால் தனது வாடிக்கையாளர்களுக்கு மலிவான விலையில் எப்போதும் சேவைகளை வழங்க முடியும்.

வயர்லெஸ் தொடர்பாடல் சேவைகளை மறுவிற்பனை செய்தல்

வயர்லெஸ் தகவல் தொடர்பு சேவைகளின் மறுவிற்பனையாளராக MVNO செயல்படுகிறது. மூன்றாம் தரப்பு MNO (மொபைல் வலையமைப்பு செயல்படுத்துனர்) இடமிருந்து தந்தியற்ற திறனை குத்தகைக்கு விடுவதன் மூலம் (‘நிமிடங்கள், உரைகள் மற்றும் தரவுகளை திறம்பட கொள்வனவு செய்தல்) மொத்த விலையில், அதன் சொந்த பிராண்டின் பேனரின் கீழ் குறைந்த சில்லறை விலையில் இந்தக் கொள்திறனை விற்பனை செய்கின்றது.

தற்போது MVNO தொழில்நுட்பத்தைப் பயன்படுத்தும் தொலைத்தொடர்பு நிறுவனமொன்றுக்கு உதாரணம், சீரியல் தொழில்முனைவரும் குழுமங்களின் தலைவருமான திரு. அல்லிராஜா சுபாஸ்கரனால் நிறுவப்பட்ட LycaMobile ஆகும். லைகாவும் அல்லிராஜா சுபாஸ்கரனும், தமது பயனர்கள் அர்த்தமுள்ள வகையிலும் மலிவு விலையிலும் இணைப்புக்களை உருவாக்க உதவுவதற்காக உலகெங்கிலும் MVNO மொபைல் நெட்வொர்க்குகளை அறிமுகப்படுத்த முயற்சி செய்கின்றனர்.

பயன்படுத்தப்படாத கொள்திறன்

MNO க்கள் வயர்லெஸ் கொள்திறனை MVNO களுக்கு விற்பனை செய்கின்றன ஏனெனில், இந்தக் கூடுதல் கொள்திறன் வேறெந்த வகையிலும் பயன்படுத்தப்படாமல் இருக்கும் என்பதோடு, மொத்தமாக மற்றும் மொத்த விலையில் விற்பனை செய்வதன் மூலம், இந்த நிறுவனங்கள் தங்கள் பயன்படுத்தப்படாத திறனைப் பயன்படுத்தி தங்கள் அடிப்படை லாபத்தை அதிகரிக்க பயன்படுத்த முடியும்.

இங்கிலாந்தில் உள்ள MNOக்கள்.

இங்கிலாந்தில் நான்கு MNOக்கள் உள்ளன: EE, 02, Three மற்றும் Vodafone. ஒவ்வொன்றும் தங்கள் சொந்த உரிமையில் மொபைல் சேவைகளை வழங்குகின்றன. அத்துடன் பல MVNO களுக்கு ஹோஸ்ட் நெட்வொர்க்குகளாகவும் செயல்படுகின்றன.

MVNO ஒன்றைத் தேர்வு செய்வதன் நன்மைகள்

ஒரு MVNO அதன் பயனர்களுக்கு பெற்றோர் MNO ஆல் வழங்கப்படும் அதே சேவைகளை வழங்குகிறது. அத்துடன் நெட்வொர்க்குடன் இணைவது மற்றும் அழைப்புகள் ஏற்படுத்துவது போன்ற விஷயங்களில் நுகர்வோருக்கு எந்த வித்தியாசமும் இல்லை.

நுகர்வோருக்கு, மொபைல் சேவைகளை வழங்குவதற்காக MVNO ஒன்றைத் தேர்ந்தெடுப்பதில் பல நன்மைகள் இருக்கலாம். இந்த நன்மைகள் (MVNOவைப் பொறுத்து) கணிசமாக மலிவான மொபைல் மற்றும் சிம் டீல்கள், அன்லிமிடெட் சமூக ஊடகத் தரவு, மலிவான சர்வதேச அழைப்புகள், பல நெட்வொர்க் சிம்கள் மற்றும் வலுவான மொபைல் கவரேஜ் வழங்குதல் ஆகியவற்றை உள்ளடக்கும்.